ഭർത്താവ് ഭാര്യയെ വെട്ടി പരിക്കേൽപ്പിച്ചു

കിളിമാനൂർ : കിളിമാനൂർ പഞ്ചായത്തിലെ അഞ്ചാം വാർഡിൽ ഉൾപ്പെട്ട തോപ്പിൽ നെടുങ്ങോട് കോളനിയിൽ ഭർത്താവ് ഭാര്യയെ വെട്ടി പരിക്കേൽപ്പിച്ചു
ഗുരുതരമായി പരിക്കേറ്റ നെടുങ്ങോട് ഗംഗോത്രി ഭവനിൽ കുക്കു എന്ന് വിളിക്കുന്ന അനിത (30) യുടെ കഴുത്തിനാണ് വെട്ടേറ്റത്. കുക്കുവിനെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. കുക്കുവിന്റെ ഭർത്താവ് ഗിരീഷ് ആണ് വെട്ടി പരിക്കേൽപ്പിച്ചത്.

ഇന്ന് രാവിലെ 10 മണിയോടെയാണ് സംഭവം. കുടുംബ വഴക്കിനെ തുടർന്നാണ് അക്രമിച്ചതൊന്നാണ് ലഭ്യമാകുന്ന വിവരം. സംഭവത്തിന് ശേഷം ഭർത്താവ് ഗിരീഷ് (40) കിളിമാനൂർ പൊലീസ് സ്റ്റേഷനിൽ കീഴടങ്ങി. പൊലീസ് കേസ് എടുത്ത് അന്വേഷണം ആരംഭിച്ചു.