അതിഥിത്തൊഴിലാളിയെ കൊലപ്പെടുത്തി; സുഹൃത്തുക്കൾ പിടിയിൽ

അതിഥിത്തൊഴിലാളിയെ കല്ലുകൊണ്ട് തലയ്ക്കടിച്ച് കൊലപ്പെടുത്തിയ സംഭവത്തിൽ സുഹൃത്തുക്കൾ പിടിയിൽ. മധ്യപ്രദേശ് ബാൻസ്ദേഹി ബേൽക്കുണ്ട് ബോത്തിയ റായത്തി റാം ശങ്കർലെ നാമദേവിൻ്റെ മകൻ റാം ശങ്കർ (33) ആണ് മരിച്ചത്. തിങ്കൾ രാവിലെ 7.30ന് കുത്തുകൽ റോഡിന് സമീപമുള്ള നടപ്പാത യിൽ നാട്ടുകാരാണ് മൃതദേഹം കണ്ടത്. സംഭവത്തിൽ മധ്യപ്രദേശ് സ്വദേശികളായ രണ്ടുപേരെ പൊലീസ് കസ്റ്റഡിയിലെടുത്തു. പ്രതികളുടെ സുഹൃത്തിൻ്റെ മൊബൈൽ ഫോൺ റാം ശങ്കർ മോഷ്ടിച്ചിരുന്നു. ഇതേതുടർന്ന് ഞായറാഴ്ച രാത്രി ഇവർ തമ്മിലുണ്ടായ തർക്കമാണ് കൊലപാതകത്തിൽ കലാശിച്ചത്. രക്തം വാർന്നാണ് മരണം. മഞ്ചേരിയിൽ കോൺക്രീറ്റ് ജോലി ചെയ്യുന്ന റാം ശങ്കറിനെ സ്വഭാവദൂഷ്യം കാരണം രണ്ടുദിവസം മുമ്പ് താമസസ്ഥലത്ത് നിന്നും കൂടെയുണ്ടായിരുന്ന തൊഴിലാളികൾ പറഞ്ഞു വിട്ടിരുന്നു. ജില്ലാ പോലീസ് മേധാവി ശശിധരൻ ഡിവൈഎസ്പി ബെന്നി എന്നിവ സ്ഥലം സന്ദർശിച്ചു. മഞ്ചേരി സിഐ കെ എം ബിനീഷിന്റെ നേതൃത്വത്തിലാണ് അന്വേഷണം നടന്ന് പ്രതികളെ പിടികൂടിയത്