കണ്ണപുരം: മദ്യം വാങ്ങാനെത്തിയ സുഹൃത്തുക്കൾ തമ്മിൽ ഏറ്റുമുട്ടുകയും ഒരാളെ വധിക്കാൻ ശ്രമിക്കുകയും ചെയ്ത കേസിൽ യുവാവിനെ അറസ്റ്റ് ചെയ്തു. താവം സ്വദേശി തച്ചാരത്ത് പ്രവീൺ ആണ് (39) പിടിയിലായത്. കണ്ണപുരം സി.ഐ കെ. സുഷീർ ആണ് അറസ്റ്റ് ചെയ്തത്. തിങ്കളാഴ്ച രാവിലെ പഴയങ്ങാടി താവം ബീവറേജസിന്റെ മദ്യ വിൽപ്പനശാലക്ക് മുന്നിലായിരുന്നു സംഘട്ടനം.
ഏഴോം സ്വദേശി ആറോടിയിൽ മുഹമ്മദ് റഫീഖിനെയാണ് (46) പ്രവീൺ ആക്രമിച്ചത്. സുഹൃത്തുക്കളായ ഇരുവരും മദ്യം വാങ്ങാൻ ഒരുമിച്ചെത്തിയതായിരുന്നു. മദ്യശാലക്ക് മുന്നിൽ വാക്ക് തർക്കമുണ്ടാവുകയും മുഹമ്മദ് റഫീഖിനെ പ്രവീൺ തള്ളിയിട്ട് ആദ്യം കല്ല് ദേഹത്തിടുകയും പിന്നീട് സിമന്റ് കട്ട കാലിനിടുകയും ചെയ്തു. പരിക്കേറ്റ മുഹമ്മദ്റഫീഖ് പരിയാരം മെഡി. കോളജാശുപത്രിയിൽ ചികിത്സയിലാണ്.
