മഹുവയുടെ ഔദ്യോഗിക വസതി ഒഴിയാനുള്ള ഉത്തരവിനെതിരായ ഹരജി ഇന്ന് ഡൽഹി ഹൈക്കോടതി പരിഗണിക്കും

ഡല്‍ഹി: ഔദ്യോഗിക വസതി ഒഴിയണമെന്ന് ആവശ്യപ്പെട്ട് നൽകിയ ഉത്തരവിനെതിരെ തൃണമൂല്‍ കോണ്‍ഗ്രസ് മുൻ എം.പി മഹുവ മൊയ്‌ത്ര സമർപ്പിച്ച ഹരജി ഡൽഹി ഹൈക്കോടതി ഇന്ന് പരിഗണിക്കും. ലോക്സഭയിൽനിന്ന് പുറത്താക്കാനുള്ള പാർലമെന്ററി സമിതി ശിപാർശയ്‌ക്കെതിരെയുള്ള ഹരജി സുപ്രിംകോടതിയിലാണ്. മഹുവ സമർപ്പിച്ച ഈ ഹരജിയിൽ തീരുമാനമാകുന്നതുവരെ വസതി ഒഴിപ്പിക്കൽ നടപടി നിർത്തിവയ്ക്കണമെന്നാണ് ആവശ്യം. ജസ്റ്റിസ് സുബ്രഹ്മണ്യം അധ്യക്ഷനായ ബെഞ്ചാണ് മഹുവയുടെ ഹരജി പരിഗണിക്കുന്നത്.