ന്യൂനമര്‍ദ്ദം ശക്തി പ്രാപിക്കും; ഇന്ന് തെക്കന്‍ ജില്ലകളില്‍ മഴ മുന്നറിയിപ്പ്

തിരുവനന്തപുരം: ഇന്ന് കേരളത്തിന്റെ തെക്കന്‍ ജില്ലകളില്‍ മഴ കനക്കുമെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. അറബിക്കടലിലും ബംഗാള്‍ ഉള്‍ക്കടലിലും രൂപപ്പെട്ട ന്യൂനമര്‍ദ്ദത്തിന്റെ സ്വാധീന ഫലമായി വരും ദിവസങ്ങളില്‍ കേരളത്തിലുടനീളം ഇടിമിന്നലോട് കൂടിയ മിതമായ മഴക്കാണ് സാധ്യത. കേരള തീരത്ത് ഇന്ന് രാത്രി 11.30 വരെ ഉയര്‍ന്ന തിരമാലക്കും ശക്തമായ കാറ്റിനും സാധ്യതയുള്ളതിനാല്‍ മത്സ്യ തൊഴിലാളികള്‍ ജാഗ്രത പാലിക്കണമെന്നും നിര്‍ദേശമുണ്ട്. അതേസമയം കേരളത്തില്‍ തുലാവര്‍ഷം രണ്ട് ദിവസത്തിനുള്ളില്‍ എത്തിയേക്കുമെന്നാണ് കരുതുന്നത്. മാത്രമല്ല വരുന്ന രണ്ട് ദിവസവും കേരളത്തില്‍ മഴ ശക്തമാകുമെന്നും ജാഗ്രത തുടരണമെന്നുമാണ് നിര്‍ദേശം.