തിരുവനന്തപുരം: ഗവര്ണര് ആരിഫ് മുഹമ്മദ് ഖാനെതിരെ എസ്എഫ്ഐ നടത്തുന്ന പ്രതിഷേധങ്ങളുടെ പശ്ചാത്തലത്തില് കേന്ദ്ര ആഭ്യന്തര മന്ത്രാലയത്തിന്റെ തീരുമാന പ്രകാരം ഗവര്ണറുടെ സുരക്ഷ ശക്തമാക്കി. ഏറ്റവും ഉയര്ന്ന രണ്ടാമത്തെ സുരക്ഷയായ ഇസെഡ് പ്ലസ് (Z+) സുരക്ഷയാണ് ഗവര്ണര്ക്ക് നിശ്ചയിച്ചിരിക്കുന്നത്. കേരളത്തില് നിലവില് മുഖ്യമന്ത്രിക്ക് മാത്രമായിരുന്നു Z+ സുരക്ഷ ഉണ്ടായിരുന്നത്. ഇതാണ് ഗവര്ണര്ക്ക് കൂടി ബാധകമാക്കിയത്. പുതിയ നിര്ദ്ദേശപ്രകാരം ഗവര്ണറുടെ സുരക്ഷ കേന്ദ്ര സുരക്ഷാ ഏജന്സിയായ സിആര്പിഎഫിന് കൈമാറും. ഇക്കാര്യം ആഭ്യന്തര മന്ത്രാലയം രാജ്ഭവനെ അറിയിച്ചു.
എസ്പിജി സുരക്ഷക്ക് ശേഷമുള്ള ഏറ്റവും ഉയര്ന്ന സുരക്ഷാ പരിരക്ഷയാണ് ദ പ്ലസ്. ഈ സുരക്ഷാ സംവിധാനത്തില് സിആര്പിഎഫ് കമാന്ഡോകള്ക്കൊപ്പം 55 സുരക്ഷ ഉദ്യോഗസ്ഥരും ഉള്പ്പെടുീ. 24 മണിക്കൂറും ആഴ്ചയിലെ ഏഴ് ദിവസവും സുരക്ഷയൊരുക്കും. രഹസ്യ വിവരത്തിന്റെ അടിസ്ഥാനത്തില് ആവശ്യമെങ്കില് ദേശീയ സുരക്ഷാ ഗാര്ഡ് (NSG) കമാന്ഡോകളുടെ അധിക പരിരക്ഷയും നല്കും. സുരക്ഷാ സംവിധാനത്തില് ഒരു ബുള്ളറ്റ് പ്രൂഫ് വാഹനവും മൂന്ന് ഷിഫ്റ്റുകളിലായി എസ്കോര്ട്ടും ഉള്പ്പെടും. 2022 വരെ 45 പേര്ക്കാണ് രാജ്യത്ത് ദ പ്ലസ്. രാഹുല് ഗാന്ധിക്കും ഈ സുരക്ഷ സംവിധാനമാണ്.
